تهديدات لموقع مزيكا تو داى بسبب حمله لمسانده المنتخب المصري

بسم الله الرحمن الرحيم

اعضاء مزيكا وزوارها
امس جاءت منكم رسايل كتير جدا للاداره موقع مزيكا ان لازم ننزل حمله لمصر
وفعلا قمنا بحمله لمسانده المنتخب المصري وبلا تردد وبلا خوف من اي حاجه
عشان احنا مصريين وكل واحد بيحاول يقوم بدور الي ربنا حطو فيه عشان يقدر يعملو
من اول لما نزلنا الحمله امبارح جت لينا رسايل خاصه وايميلات من البربر الجزائريين
وكانت كل الرسايل بتقول لازم نشيل الحمله دي ولازم نتراجع زي مواقع اتبعتلها وتراجعت وخافت حتي تنزل الموضوع
يا سبحان الله خافت تنزل الموضوع حتي ويقال انهم مصريين لاكن هما مش مصريين وتم الاثبات
بس ده بردو مش موضوعنا احنا موضوعنا ان جت لينا تهديدات من الجزائريين ومن مصريين يعرفو جزائريين
والرسايل كل ساعه بتزيد بجد والله زي ما بقولكم كده ولا كاننا في حرب وبيهددونا
بس احنا اخدنا موقف ومشينا فيه ولو ترجعنا لحظه يبقي منستهلش لقب مصريين
انا بحب اشكر ميزو جدا جدا لانه مش خايف ولا متردد ولا احنا مترددين
مبدأيا الموضوع ممكن نعديه ونزل الموضوع من تثبيت المجله وهيعدي والموضوع هيخلص
لاكن احنا قررنا مش هنخاف مش هنستسلم والي يعرف يعمل حاجه يعملها
حتي لو اخترقو الموقع اهلا وسهلا مبروك يا عم ورينا هتعرف تعمل اي

كلمه اخري للمواقع المصريه الصديقه الي نزلت الحمله هقولكم كلمه واحد
متوقع انكم جتلكم رسايل او هتجلكم اكيد رسايل لانكم مواقع مصريه محترمه
متخفوش متستسلموش واوعي تتردد او ايديك ترتعش انت مصري والمصري قوي
وان كان في حاجه واحده في ايدينا نفيد بيها مصر اهيه جتلك الفرصه اثبت لنفسك ولاعضاءك انك مصري
واقسم بالله الموضوع لا هو دعايا ولا هو جذب انظار ولا مجال للتنافس
انا مصري وافتخر وبنقولها بصوت عالي ومش هممنا اي حد ولو عاوزنها حرب فاحنا المصريين مبنخفش
مـــتـــخـــفــــــتوش

يــــــــــــــــــــــارب انصرنا